Magpapatuman na gihapon an Land Transportation Franchising and Regulatory Board (LTFRB) hin upat kaadlaw nga work week tikang Lunes, Abril 6 kumo kaparte han energy-saving policy han gobyerno.
Subay ha advisory han ahensya, an compressed work week in subay ha Memorandum Circular 114 nga iginpagawas han Malakanyang dida han Marso 6 agud makatipid ha enerhiya ha butnga han tensyon ha Middle East.
Mag-aabor an opisina han LTFRB tikang Lunes kutob Hwebes, alas-7 hiton aga kutob alas-6 hiton gab-i, ngan waray trabaho an mga empleyado kada Biyernes.
Sugadman, an mga sugad han transportation inspectors, 24/7 hotline team, in padayon la gihapon nga maghahatag hin serbisyo, ngan iba pa nga kaparehas nga posisyon in magpapadayon ha lima kaadlaw nga work week agud dire madelatar an serbisyon-publiko.
Para ha kadugangan nga impormasyon, pwede naman makigsumpayan ha LTFRB ha ira opisyal nga social media pages, viber number: 0956-761-0739, o ha Public Assistance and Complaint Desk (PACD) ha pacd@ltfrb.gov.ph o complaints@ltfrb.gov.ph
