TACLOBAN CITY – Padayon an pansita han Land Transportation Franchising and Regulatory Board (LTFRB) Regional Office 8 ha mga drivers ngan operators ngan sugadman mga pasaheros hin public utility vehicles (PUV) nga dire nagsusunod han mandatory wearing of Face Shield ngan Face Mask.
Sumala kan Veronica Reposar, Transport Development Office (TDO) Chief han LTFRB 8, an operator mismo an ira igmumultahan ngan dire an pasaheros.
Subay manggud ha kamanduan, dire dapat magpasakay an driver hin PUV kun waray face shield ngan face mask an pasaheros.
Samtang, padayon gihapon an pansita ngan pandakop han LTFRB han mga PUVs nga namamagbiyahe bisan kun waray special permit.
Ha pagkayana in maabot na ha sobra 50% han mga pampasaheros nga sarakyan ha bug-os nga rehiyon an nakabalik na ha operasyon.
