TACLOBAN CITY: Ginklaro han Land Transportation Franchising and Regulatory Board Vlll, an may paghisumpay ha ginpatuman nga Local Public Transport Route Plan (LPTRP), mahuman nga magkamayda hin komosyon ha social media, an kaparti han anay pagbabawal nga makasulod han Campetic nga multicab ha downtown area.
Sumala kan Gualberto N. Gualberto, Regional Director Land Transportation Franchising and Regulatory Board Vlll, ha pagkayana in naibalik naman ine, matungod gihapon ha inisiyatiba han alkalde hiton syudad, kun diin maupay ine para ha kadam-an.
Ginpangbit naman hine, nga ginrerespito han ira buhatan, an desisyon han usa nga lokal nga pangobyernohan, matungod nga hira mangud an nakaka-kita ha sitwasyon han ira lugar.
Gintagan duon han nasabi nga director, an LPTRP, nga ginpapatuman han syudad hiton Tacloban in para hadton mga Taclobanon nga mga namamasada.
Gin-aaghat naman hine an publiko, partikular na adton may mga pribado nga sarakyan, nga kun mahihimo in sumakay nala hin pampasaheros nga sarakyan, matungod nga nakaka-dugang pagbugiot an syudad kun an mga ine in magamit han ira mga pribado nga sarakyan.
Ha lain nga bahin, ginpangbit naman hine, nga an para Campetic nga multicab in ada na ha ilarom han jurisdiction han Palo paghimo hiton LPTRP.
Ha mao nga himangrawon, katungod han LGU Tacloban, nga mag re-route, matungod nga kun gawas na han syudad maikokonsidera na hiya nga kanan probinsya.
