TACLOBAN CITY – Ginpahibaro han pamunuan han Leyte Police Provincial Office nga maabot ha 20 nga mga kapulisan an presente yana nga naigo han nagpapadayon nga COVID-19 ha bug-os nga rehiyon 8.
Sumala kan PLT. Hazel Vacal tagapagyakan han Leyte Police Provincial Office LPPO, nga tikang han bumutho an pandemya han nakalabay nga tuig yana in mayda na hira kabug-usan nga ihap nga 99 nga natapnan han COVID-19.
Ha mao nga ihap maabit naman ha 77 an mga nagpaka rekober ha mao nga sakit.
Dugang pa han mao nga opisyal nga an COVID-19 in waray gin pipili sanglit nga padayon an iya pahimatngon dire la ha mga kapulisan kundi gihapon ha tanan nga mga molopyo nga padayon nga sundon an mga ginpapatuman nga mga health and safety protocols kontra COVID-19.
Ginmalatumat naman hini nga hapagkayana in waray pa may naawatan han kinabuhi ha mao nga sakit.
Usa ha mga rason han pagkakatapni han virus in matungod ha ira nature of work.
Hapagkayana in nakapa ilarom na ha 14 days quarantine an mga nagpositibo han COVID-19 nga mga kapulisan ha probinsya han Leyte, ngan sugadman in padayon nga gintatagan hin kaangayan nga medikasyon ala kontra ha COVID-19.
