TACLOBAN CITY – Andam na an seguridad para yana nga tiarabot nga Semana Santa, para maghatag hin siguridad ha mga Calvary Hills, Singbahan ngan magin ha mga boarder kun diin an mga nagpakatudlok dinhe ha bug-os nga Probinsya han Letye.
Sumala kan PCapt Hazel Vacal, Information Officer han Leyte Police Provincial Office, nga hapagkayana nagpaka-pwesto na an mga tinaglawas han kapulisan ha ira mga nakatuka nga pwesto agud nga magbantay ngan mag-asister ha mga indibidwal nga masaka ha mga bukid para ha pagtigaman han mahal na adlaw.
Ginsigurado naman hine nga andam an ira mga kapulisan ha paghatag hin seguridad.
Dugang pa han mao nga opisyal, hapagkayana in waray naman namomonitor nga hulga tikang ha mga indibidwal nga mayda maraot nga panuyuan yana nga semana santa.
Ha kaluyo hine, padayon naman an ira ginhihimo nga monitoring agud nga magkamayda hin hapsay ngan mahinungdanon an pagtapo han adlaw han pagkabanhaw yana nga maabot nga Domingo.
