-- Advertisements --
TACLOBAN CITY – Umabot na ha 67 kabug-os nga mga armas de fuego an kapot yana han Leyte Police Provincial Office ( LPPO).
Sumala kan PCI Margarito Salaño, tagapagyakan han LPPO nga an mao nga ihap han mga armas in tikang ha magkadirudilain nga operasyon han buhatan.
Guintaltag han mao nga opisyal nga kalakip ha mga ini an nakuha ha buy-buy operation, search warrant, warrant of arrest, checkpoint, boluntaryo nga guinsurrender ngan Oplan Boga.
Guinklaro naman hini nga 34 na an nakasuhan ha mga nakuhaan hin pusil.
Guinduon naman han mao nga opisyal nga pwede pa mabawi an mao nga mga pusil inkaso nga makakompleto hin dokumento an mga nagtatag-iya hini.
