TACLOBAN CITY – Usa nga insidente hin panmuno an nahipatik ha Ormoc City kun diin love triangle an ginkikita nga nagin rason han nasabi nga insident. ‘
Ginkilala an biktima kan Lemeul Tapalla, 47-anyos an pangidaron, usa nga caretaker, ngan residente han Brgy. Punta Ormoc City.
Sumala kan PLt. Col. Ramil Amodia, Information Officer han Ormoc City Police Office, mayda upod an biktima nga babaye pagsulod han videoke room pero waray daw ine makit-i ha sulod han room. Umabot naman daw an suspek ngan nagpakiana kun nakadto ba an iya asawa.
Basar han kuha ha CCTV, sumulod an suspek ha nasabi nga videoke room ngan dayun nga gin panmuno an biktima. Dayun naman nga kumalagiw an suspek mahuman nga bun-on hine an biktima.
Nakagawas pa naman an biktima ha nasabi nga videoke room pero nagkakarigo na ine hin dugo, nga nagin rason han iya dayon nga kamatayon.
