TACLOBAN CITY- Nagpagawas hin panibag-o nga Executive Order (EO) an City Government, nga nagbabalik pagkarawat han Domestic Vaccination Card komo kabalyo han COVID-19 Test para han mga masulod ha Tacloban o adton tiuli nga residente o mga APOR nga may transaction ha sulod han syudad nga tikang ha gawas han rehiyon 8.
Sumala kan Atty. Christian de Dios, Chief of staff han City Mayors office hiton Tacloban, nga an mga fully vaccinated la o adton kumarawat na han second dose han bakuna; duha ka semana na an nakalabay, an diri aaroan hin COVID-19 negative test result.
Samtang, kinahanglan la gihapon magparehistro online ha www.baliktaclocloban.tacloban.gov.ph an mga mauli nga residente o may transaction nga APOR ha syudad para matagan han Letter of Acceptance (LOA).
Mababaruan nga ginbulkas gihapon an mando han admission restrictions han mga hotels, inns ngan iba nga accomodations sulod han syudad ngan gintutugot na an mga katitirok basta masunod la ha minimum health protocols.
