-- Advertisements --
TACLOBAN CITY – Nagtikang na an Shore Protection Project ha parte han may old road Sagkahan nga harani la han Tacloban City Convention Center (Astrodome).
Sumala kan Rebbeca Yusi, Assistant District Engineer han Tacloban City District Engineering Office, an mao nga proyekto in may-ada contract price nga nagkakantidad hin Php57,500,000.
Aada naman ha 210 meters an kahilabaon han proyekto nga matikang ha Astrodome hasta Café Lucia, ngan mayda ine kahaluagon nga 120 meters tikang ha baybayon.
Dugang pa han mao nga opisyal, may-ada naman ginhimo nga temporaryo nga karsada para agi-an han mga equipment, pagbutang han mga bato nga gagamiton ha paghimo han proyekto.
Ginlalauman naman nga mahuhumanan mao nga proyekto yana nga tuig.
