TACLOBAN CITY -Ginklaro han local nga pamunuan hiton Tanauan, an nagsarang nga alegasyon nga ginbayaan han ira alkalde an lugar ha butnga hiton Bagyong Kristine.
Sumala kan Municipal Administrator/ OIC Mayor Tanauan Letye, Ret. Judge Ephrem Abando, naka-iskedyul naman gud an meeting nga han mga Mayors ngan an mga ine in aadto ha pagkayana ha Manila para hiton usa nga press conference.
Gintagan duon ni Ret. Judge Abando, nga waray baya-i ni Mayor Gina an iya bungto, lugod in ginbutang hiya kumo OIC para mapanginano an kabutang han nasabi nga lugar.
Dugang pa ni Ret. Judge Ephrem, yana naman nga adlaw balik normal na an tanan nga transaksyon ha ira munisipalidad.
Padayon gihapon an panginano ngan pagbabantay han mga tinaglawas han Tanauan Leyte, matungod na gihapon han kalain han panahon dara ni Bagyong Kristine.
Dugang pa ni Abando, waray na gihapon hira magpatuman hin suspenyon han klase, yana nga adlaw.
Nanawagan naman ine ha mga taga Tanauan, nga magin mahirot ha tanan nga higayon, ngan batasanon nga magin-andam ha mga panhitabo partikular na ha oras han kalamidad.
