INTERNATIONAL – Iginpatuman na an local emergency curfew ha Los Angeles, California ha butnga han halawig ngan bayolente nga protesta.
Nagin epektibo an curfew han 8:00 han gab-i han Martes kutob 6:00 han aga han Miyerkules, oras ha Amerika ngan ginbabanabana nga igpapatuman pa ini ha mga masunod nga adlaw.
Sumala kan LA Police Department Chief Jim Mcdonnell, 378 ka-tawo an gindakop ha naglabay nga upat ka-adlaw, kalakip an haros 200 nga inidbidwal han nakalabay nga Martes.
Samtang, ginbaribaran han federal judge an hangyo han California para ha kadagmitan nga restraining order para ha temporaryo nga pagbawalan hi US President Donald Trump nga gumamit hin Marines ngan National Guard ha pagpapatuman han mga bala-od ha estado, labi na an may kalabotan ha iya inisyatiba para ha massive deportation han mga ilegal nga immigrants.
Manunumduman nga siyahan igindeploy ni Trump an National Guard ngan Marines para protektaran an an mga federal personnel ngan propreydad kontra ha mga nagpro-protesta.
