TACLOBAN CITY– Magtitikang na buwas nga adlaw iton opisyal nga panga-ngampanya han mga local candidates nga madalagan para hiton Local and Nation Election 2025.
Sumala kan Atty. Maria Goretti Cañas,Comelec Officer Province of Leyte, kadungan hiton pagtikang han panga-ngampanya, magtitikang na gihapon an mga aludayday nga ginpapatuman han Comelec kasumpay hiton piniliay.
Dugang pa ni Cañas, kinahanglan nga magsunod an tanan nga mga kandidato ha mga rules and regulation hiton ira buhatan, sugad nala an pagcomply hiton kahalapad han ira mga tarpaulin, posters, ngan kalakip na an mga common provision nga ginbubutang ha nasabi nga mga campaign materials.
Ginpahinumdom gihapon han nasabi nga opisyal, nga kinahanglan magsunod an mga campaign team, partikular na an pagbutang hiton ira mga poster ha sakto nga mga burutangan agud nga dire ine tanggalon han ira buhatan.
Gintagan duon ni Cañas, nga mahugot nga ginpapagbawal an pagbutang hiton mga poster ha mga pampubliko nga lugar.
Mababaruan, kadungan han pagtikang hiton panga-ngampanya, magtitikang gihapon an Operation Baklas hiton Comelec.
