TACLOBAN CITY – Nanga-ngandaman na an Leyte National High School LNHS, para ha tiarabot nga Eastern Visayas Regional Athletic Association (EVRAA) Meet 2023.
Sumala kan Bernie Jude Lamograr, Assistant Principal Leyte National High School, nga maabot ha 70 nga mga rooms an gagamiton para ha mga Officiating Officials kun diin an mga ine in maabot ha 500 nga mga indibidwal.
Dugang pa hine, posible nga an gagamiton nga mga classrooms in sobra 100 para ha mga delegation han mao nga paisan-isan.
Ginpaangbit naman han nasabi nga opisyal, nga maabot ha 200 nga mga estudyante han LNHS an bulig ha nasabi nga EVRAA Meet.
Ha lain nga bahin, nag-aru naman hin abiso an mao nga opisyal ha mga kag-anak han mga estudyante han nasabi nga eskwelahan, nga an mga ine magkakamayda la anay hin modular learning modalities durante han pagdudumaraon nga kompetisyon.
Mababaruan nga maabot ha 10,500 nga mga estudyante an apektado ngan magpapailarom ha modular learning modalities ha ira tagsa-tagsa nga panimalay.
Ginpahibaro naman han mao nga opisyal nga mabalik an mga estudayante ha Mayo 2, pagpa-check na han ira mga modules.
