TACLOBAN CITY – Ginpahibaro han Leyte National High School LNHS, nga magpapatuman hira hin psychosocial support activities para ha mga estudyante nga masulod yana nga adlaw Lunes, pagtikang han face to face classes ha bug-os nga nasod.
Sumala kan Bernie Jude Lamograr, Information Officer han Leyte National High School, nga ine in kumo pagsunod gihapon ha kamanduhan han Department of Education (DepEd), agud nga makabulig ngan masigurado an mental health and well-being han mga kabataan yana nga bumalik na an in-person classes.
Dugang pa han mao nga opisyal, dire mangud an mga ine maaram kun patiunan-o naka-apekto ha mga estudyante an COVID-19 pandemic nga nagin rason han pagsuspender han mga klase ha bug-os nga nasud.
Panuyo han mao nga aktibidad in agud nga suportahan an psychosocial han mga kabataan ngan aghaton an mga ine nga magbug-os hin mga aktibidad nga makakabulig ha pag-konektar ha ira mga igkasi-estudyante.
