TACLOBAN CITY- Guin klaro han pamunuan han Leyte Metropolitan Water District ( LMWD) nga waray kamatuuran an mga nagkakagawas nga impormasyon ha social media nga magiging apektado an suplay han tubig mahitungod han mga naabat nga linog ha probinsya.
Sumala kan Tess Pascua, Information Officer han LMWD nga diri gud angay tumuod an publiko nga apektado an serbisyo han LMWD mahitungod nga waray naman ini kakuruin ha opeartion.
Dugang pa ni Pascua nga waray dagko nga danyos an surok ngan linyada han tubig durante han naabat nga linog dida han nakalabay nga mga adlaw.
Guinduon pa ni Pascua nga nagpagawas na guihapon hira hin disclaimer ala kontra ha sayop nga impormasyon nga guinpasamwak ha facebook.
Samtang, guinpasamwak naman ni Pascua nga naguba an water pump ha Kristina ngan Naga-naga nga parte ha syudad han Tacloban rason nga temporaryo nga waray ini suplay hin tubig ha pagkayana kun diin padayon naman ini nga guinhihingayad han mga tinaglawas han LMWD.
