Dire maeksplikar han aktres ngan model nga hi Liza Soberano ngan Filipino-American Grammy award winner H.E.R an ira duro nga kalipay han mapaupod ha tiarabot nga Filipino animated film na “Forgotten Island” tikang ha sikat nga American animated production.
An pelikula in hango ha mayaman nga kultura nga Pilipino, kaupod an mga alamat, tradisyon, ngan pan-adlaw-adlaw nga kinabuhi ha nasud.
Sumala ha duha, importante an proyekto mahitungod nga maipapakita hini an tinuod nga pustura han Pilipinas ha bug-os nga kalibutan.
Gagampanan ni Liza an karakter nga hi Raissa nga sumala pa hini, in harani ha iya kasing-kasing mahitungod nga nasalamin ini ha eksperyensya han damo nga Pilipino, labi na an isyu han mga pamilya nga nagbubulag mahitungod ha pagtatrabaho ha iba nga nasud o an gintatawag nga OFW culture.
Samtang hi H.E.R., nga maghahatag-boses ha karakter nga hi Jo in proud gihapon nga iginpaangbit han iya pagigin Pilipino.
Dugang pa hini, tampok ha pelikula an importante nga aspeto han kultura nga Pinoy sugad han paghahatag hin importansya ha pamilya, mga salu-salo, pagkaon, tradisyon, ngan magin an karaoke, nga sigurado nga makaka-relate an mga magkirita ha magkadiru-dilain nga parte han kalibutan.
Kaupod gihapon ha cast han pelikula hira Lea Salonga, Dolly de Leon, Manny Jacinto, ngan Jo Koy, kaupod hira Jenny Slate ngan Ronny Chieng.
Ginlalauman nga mapapanood an “Forgotten Island” ha mga sinehan ha Setyembre 23.
