-- Advertisements --
TACLOBAN CITY – Ginpahayag ni Tacloban Mayor Alfred Romualdez ha gindumara nga press briefing nga bubulkason na an liquor ban ha siyudad tinikangan yana nga maabot nga Oktubre 1.
Sumala kan Mayor Romualdez, pupuydi na nga magbaligya ngan pumalit hin makahurubog nga irimnon pero iginbabawal la gihapon an mga pag irignom ha mga pampubliko nga lugar.
Magpapabilin la naman gihapon nga bawal an pagbaligya hin liquors ha mga bar ngan restaurant agud nga malikayan an katitirok.
Dugang pa hini nga mahugot naman niya nga ginmanduhan an mga opisyal han barangay nga sitahon an mga mga nag iinom ha gawas han ira mga panimalay sugad man an nagdudumara hin party o bisan anu nga klase hin katitirok agud nga malikayan an pagkalat han virus.
