Sumaka na ha sobra 200 katawo an namatay ha magnitude 7.4 nga linog ha Colombia samtang nagpapadayon an rescue operations ha nasud.
Sumala ha United Nations humanitarian office, dire maubos ha sobra 126 katawo an kumpirmado nga patay ngan sobra 1,495 an samaran basar ha opisyal nga datos dida han Lunes han gab-i, sugadman, umabot naman an ihap han namatay hin sobra 224 sumala han mga otoridad dida han Martes.
Haros 5,000 nga mga kabablayan an nadarahigan han linog samtang pira nga building an lumaprak. Kaupod ha mga grabi nga nadarahigan an Cali ngan Pereira, kun diin ginatos-gatos nga mga residential buildings an nagkaruruba.
Samtang, nagpadara na hin bulig an magkadurudilain nga humanitarian agenices, kaupod an pagkaon, tubig, hygiene kits, medical supplies ngan mga gamit para ha evacuation.
