TACLOBAN CITY- Nagbilin hin lima nga sugatan nga sundalo an natabo nga balyuay hin buto ha butnga han mga miyembro han 52 IB Charlie Company ngan rebelde nga grupo ha Barangay Helomot, San Jose de Buan, Northern Samar.
Sumala kan PO2 Crisostomo Mabansag han San Jose de Buan PNP, nga padayon pa nga guintatambal ha pagkayana an mga sundalo nga samaran.
Dugang pa hini nga diri pa kumpirmado kun mga miyembro han New People’s Army (NPA) an umatake nga grupo.
Guinmalatumat naman ni Captain Cherry Junia, tagapagyakan han 8ID nga nagpapadayon pa ha pa ha pagkayana an ira imbestigasyon ha mao nga panhitabo agud mahisabtan kun ano an motibo han mao nga pang-atake.
Samtang, waray naman guinpagawas nga mandato an mga otoridad ha pagpabakwit han mga residente nga harani ha lugar nga natabuan han insidente.
