TACLOBAN CITY – Gin-anunsyo han Department of Tourism (DOT) Regional Office 8 nga diri madadayon yana nga tuig an San Juanico Bridge Lighting.
Ini an naging pamahayag ni DOT 8 Regional Director Karen Tiopes, kun diin sumala ha iya waray pa nakagdumara hin bidding Tourism Infrastructure and Enterprise Zone Authority (TIEZA) para han mao nga proyekto mahitungod nga ginkikita pa han ira engineering teams an mga proposals ngan ideya nga gagamiton para han pagpaupay han mao nga tulay.
Dugang an pagpalaga han San Juanico Bridge in usa nga challenging nga proyekto, sanglit bisan an pagbiling han sakto nga kompanya nga interesado nga magbid hini in makuri gihapon.
Ginklaro naman hini nga waray kalabutan ha pulitika an pagkansela o pagkadelatar han mao nga proyekto ngan ini naman daw in dako an benepisyo para ha Samar ngan Leyte.
An kaparte han pamahayag ni DOT 8 Regional Director Karen Tiopes
Nahibaruan nga una nga gin-anunsyo han DOT nga an P80 million lighting han 2.16-kilometer in pagdudumaraon unta ha ikalima nga tuig nga komemorasyon han paglasurbo han Bagyo Yolanda.
Mahitungod han pagkadelatar han mao nga proyekto in target naman han DOT nga makompleto ini ha bulan hiton Hunyo sunod nga tuig.
