Gin kumpirma ni Commission on Appointments (CA) chairman ngan Senate President Vicente Sotto III nga nakarawat na han iya opisina an kopya han resolusyon han Kalayaan nga naghahangyo nga paraon an rekord han komisyon han “give-up Kalayaan Island Group” remark ni Senador Rodante Marcoleta.
Dugang pa, papanginanuon anay han istoryahon ngan pag-aadman an sakto nga proseso nga kinahanglan sundon kasumpay han nasabi nga hangyo.
Manunumduman, gin hangyo han Sangguniang Bayan han Kalayaan ha CA nga paraon ha opisyal nga rekord an pahayag ni Marcoleta nga nagsusuhestyon nga kinahanglan na bul-iwan han Pilipinas an KIG.
Ginbul-iwan han Senador an kontrobersyal nga pahayag ha pagdungog han CA committee on national defense dida han Pebrero 4, pero iginduon han Senador nga “taken out of context” an iya nagin pahayag.
Maduon naman nga iginduon han mga opisyal han Kalayaan nga waray bisan usa ka-pulgada han ira teritoryo an pwede igsurender, ngan an anuman nga rekord nga nagpapahayag hini in usa nga “historical error” nga kinahanglan ig-sakto.
Subay ha resolusyon, an panawagan nga “i-give up” an KIG in baga-baga hin pagtraydor ha mga sakripisyo han mga residente ngan pag-minos ha kaisog han mga nakatudlok ha Pag-asa Island ngan mga kasapit nga lugar.
