Ginpahayag ni U.S. President Donald Trump nga napatay ha usa nga military strike han Estados Unidos hi Hector Rusthenford Guerrero Flores o “Niño Guerrero,” an lider han Venezuelan prison gang nga Tren de Aragua.
Sumala kan Trump, gindumara han US Southern Commnad an malaksi ngan koordinado nga operasyon kasugbong an mga otoridad han Venezual.
Gin kumpirma gihapon ni Defense Secretary Pete Hegsethnga namatay hi Guerrero ha nasabi nga opensiba. Ginmalatumat naman han information ministry han Venezuela nga nagkamay-ada hin engkwentro ha mga membro han mga grupo nga kriminal ngan napatay hi Guerrero ha operasyon nga gindumara ha bulig han intelligence sharing ngan specialized technology han duha nga nasud.
Maiha na nga ginpahamtangan han US hin sanctions hi Guerrero ngan iba pa nga lider han Tren de Aragua mahitungod ha pagkakadabi ha drug smuggling, human trafficking, ngan money laundering.
Iginkokonsidera gihapon han US State Department an grupo kumo usa nga foreign terrorist organization.
Nakaiskapo hi Guerrero tikang ha Tocorón prison ha Venezuela dida han 2023 kaupod an iba pa nga lider han grupo.
