Iginduduso ha Senado an Senate Bill 2134 nga panuyo himuon nga libre ngan mayda lifetime validity na an mga PWD Identification Cards para ha mga kwalipikado nga mayda permanente nga kapansanan.
Iginduon ni Senator Mark Villar nga author han panukala nga dire na dugangan pa an pagkukuri nga nae-eksperyensyahan han mga PWDs o Persons with Disabilities.
Ha rekord han National Council on Disability Affairs (NCDA), sobra 2.5 milyon nga Pilipino na an rehistrado nga PWDs ha nasud.
Sugadman, damo la gihapon ha mga ini an nakaka-eksperyensya hin pagkuri ha pagkuha han mga benepisyo ngan serbisyo han gobyerno mahitungod ha mga problema ha registry system ngan pautro-utro nga rekisitos ha dokumentasyon agud mag-renew han ID kada lima katuig.
Ha ilarom han panukala nga balaod, dire na kinahanglan mag-renew kada lima katuig an mga PWD nga mayda permanente nga kapansanan, ngan sisiguraduhon gihapon nga libre an pagkuha han lifetime-validity PWD IDs.
Kinahanglan gihapon nga sertipikado han Municipal o City Health Office ngan beripikado han Local Social Welfare and Development Office an nakadeklara nga permanent disability.
