NATIONAL NEWS– Gin-aghat ni Senate Deputy Minority leader Risa Hontiveros an mga awtoridad nga pugngan an mga sindikato nga an panuyo in maghatag hin libre nga biyahe pakadto ha Thailand, tungod usa ine nga scam hub ha Myanmar.
Subay kan Hontiveros, ginpapagawas nga nagdaog an usa nga indibidwal han all expense trip ha Thailand, pero imbes nga magbakasyon in gindadara hira ha mga scam hub ha Myanmar para piriton nga magtrabaho ha usa nga sindikato.
Agsod nga naaghat an mga biktima ha mga ads ha social media ngan nagpapang-gap nga promo o raffle para ha libre nga biyahe.
Dugang pa ni Hontiveros nga labot la ha pagpirit han mga ine nga papagtrabahuon in ginkakastigo pa ngan ginmomolistya pa ine.
Tuig 2022, ginbuyagyag ni Hontiveros an modus kun diin natatabo an human trafficking han mga Pinoy nga na-aaghat kumadto ha Thailand pero nahihingadto ine ha crypto-scamming job ha Myanmar.
