INTERNATIONAL – Ginkumpirma ni Japanese Chief Cabinet Secretary Yoshimasa Hayashi nga nakit-an nira an Liaoning aircraft carrier han China ha kadagatan han ira nasud.
Mahinunumduman nga an Liaoning carrier nga may upod nga pira nga mga barko in umagi ha exclusive economic zone (EEZ) han Japan ha may Minamitorishima, usa nga tay-aw nga isla ha sur-sinirangan han Iwo Jima.
Napansin liwat an mga fighter jet ngan helicopter nga naglilibot tikang ha Liaoning.
Tungod hini, iginpasamwak ni Hayashi nga pakukusgon han Japan an ira pagbantay ngan padayon nga magtitirok hin impormasyon ha mga gios han armada han Tsina.
Nagpadara hin mensahe an liderato han Japan ha China kasumpay hini nga panhitabo.
Ha luyo nga bahin, gin-insister han Ministry of Foreign Affairs han Tsina nga an pagbiyahe han Lionning in subay ha internasyonal nga balaud ngan nagsering nga an ira nasud in mayda kalugaringon nga national defense policy.
