TACLOBAN CITY – Malipayon nga ginpahayag han LGU han Northern Samar nga waray nahipatik nga casualties o dako nga danyos tikang ha paglasurbo han Bagyong Ofel kanina han aga.
Sumala kan Rei Echano, Head han Northern Samar Municipal Disaster Risk Reduction and Management Council, nga ha pagkayana in balik na ha ira kada tagsa nga mga panimalay an mga residente han Bobon, Laoang ngan iba pa nga kun diin una anay nga ginpanbakwit.
Waray naman gud haros nahipatik nga pagbaha ha mao nga probinsya.
Ha luyo hini in nagpapabilin naman nga naka alerto an LGU han Northern Samar.
Una hini in ginpa ilarum ha signal number 1 an Northern Samar, Eastern Samar, Samar, Biliran ngan northern portion han Leyte (Tabango, Leyte, San Isidro, Calubian, Capoocan, Carigara, Jaro, Pastrana, Dagami, Tabontabon, Tanauan, Palo, Santa Fe, Alangalang, Tacloban City, Babatngon, San Miguel, Barugo, Tunga)
