NATIONAL – Bumwelta hi Leyte Representative Richard Gomez kan Baguio City Mayor Benjamin Magalong kasumpay ha akusasyon hini ha mga Kongresista nga daw mga kurakot.
Ha social media post han mambaralaud, waray hini ngarani an alkalde pero iya ini igintutudlok hi Mayor Magalong nga nagpahayag nga daw may mga mabaralaud nga dabi ha korupsyon.
Ginyaknan ni Rep. Gomez hi Magalong nga ayuson anay hini an iya syudad ugsa manudlok ha iba.
Nagpahayag hin pagkadismaya an mambaralaud han Leyte mahitungod nga pautro-utro nga akusasyon han alkalde nga dugang pa ni Gomez, usa nga taktika agud mamakuha hin atensyon ha media.
Gin-ayat gihapon ni Gomez an imahe ni Mayor Magalong kumo usa nga public official nga waray korapsyon.
Duon ni Gomez nga waray na hiya kapausa ha gintutudlok nga ‘clean’ mayor nga nanlabay hin akusasyon hin corruption ha mga congressment mahitungod nga ini in maitutudlok nga “easiest issue.”
Yakan pa ni Gomez nga kitaon anay ni Magalong an iya syudad nga nakaputos gihapon hin mga problema sugad nala han pagsasarang han mga iligal nga istruktura nga nakakaruba han plano han syudad nga nagdadara hin iba pa nga mga problema sugad nala hiton paghuruot ngan pagkamayda hin problema ha pandispose han basura.
