PALO, LEYTE – Nagpalusad an Leyte Provincial Office hin Traffic Advisory kasumpay hiton pagdumara han tiaarabot nga ika-50 nga serebrasyon han Leyte Gulf Landings.
Sumala kan Palo Auxiliary Traffic Unit, Traffic In Charge, Romeo Abano nga ginpanhampangan ini nga kamanduan kaupod hiton Palo Auxiliary Traffic, PNP Provincial Office, Palo Police Station an plano nga temporaryo nga pagsasara han pira nga mga kakarsadahan han Palo.
Sumala pa kan Abano nga sasadhan kinatikangan yana nga maabot nga Martes, Oktubre 15 kutob Lunes, Oktubre 21 an mga karsada nga tipakadto ngan palibot han bug-os nga area hiton MacArthur Park.
Temporaryo nga sasadhan an karsada han DPWH-Candahug-Baras Road, Candahug-Baras Junction-East Bypass, sugad man iton Apay-Apay-Salvacion Junction.
Panuyuan han temporaryo nga pagsasara in para ha seguridad han mga nabisita ha lugar nga kun diin pagdudumaraon an mga aktibidades ha mga adlaw ugsa iton serebrasyon ngan pangandaman gihapon ha tiaarabot nga Leyte Gulf Landings.
Samtang, dugang naman hini nga kinatikangan hiton Oktubre 15 in nakabantay ngan nakasarang na iton mga kapulisan agud malikayan iton mga untoward incidents.
