TACLOBAN CITY– Gin-aaghat hiton pira nga mga School Heads ha syudad han Tacloban, an mga kag-anak ngan estudyante nga dire na maghinirayo hiton pag-enroll yana nga S.Y. 2025-2026.
Sumala kan Bernie Jude Lamograr, Assistant Principal Leyte National High School, an sugad nga pitad in makakabulig ha mga estudyante ngan eskwelahan.
Dugang pa ni Lamograr, nga pananglitan an usa nga estudyante in mag enroll ha eskwelahan in makakabulig ine nga ma dicongest iton ihap han mga enrollees para yana school year.
Ginpaangbit pa hine, nga makakabulig gihapon an sugad nga pamaagi ha mga kag-anak nga makagtipid hiton pamasahe, boarding house, ngan iba pa nga panginahanglan hiton estudyante.
Ha pagkayana, nagtitikang na an nasabi nga eskwelahan mangarawat hiton mga magpapa-enroll ha Grade 7 ngan 11 nga mga estudyante.
