TACLOBAN CITY- Ginpatawag han Association of Electric Cooperative of the Philippines, an mga electric ccoperative, kalakip na an mga kompaniya hiton cable, kasumpay ha ira mga nakahalo nga mga wirings ha mga poste han linya hiton kuryente.
Sumala kan Allan Laniba, General Manager LEYECO lll, President Association of Electric Cooperative of the Philippines, nagpatawag hira hin meeting, para igpasabot nga kinahanglan han mga ine nga areglaron an ira mga cable wires nga nakakasamok ha mga poste hiton kuryente.
Dugang pa ni Laniba, ha mao nga meeting gintagan an mga ine hin talaan para panginanuon an ira linya.
Gintagan naman hin duon han nasabi nga opisyal, pananglitan naman nga dire hira maka-comply han nakatalaan nga panahon, an buhatan hiton LEYECO III, an mag-aasikaso ngan posible nga utdon an mga ine ha takna nga hira in makagdumara hin pan-limpyo han nasabi nga mga cable wirings.
Ginmalatumat pa hine, nga kinahanglan anay magsarit ha ira buhatan pananglitan naman nga magbubutang an tanan nga mga cable company ha poste hiton kuryente.
Mababaruan, usa mangud nga nakaka-ulang an mga cable wire ha mga poste hiton kuryente, matungod nga nahahalo ine ngan agsob nga gin-tatawag nga spaghetti wires.
Nanawagan naman ine ha tanan nga mga Cable private company, nga areglaron an ira mga wirings, para dire magka-problema sunod nga mga panahon.
