TACLOBAN CITY– Naghatag hin baton an LEYECO lll President Association of Electric Cooperative of the Philippines, kasumpay ha mga reklamo nga paghitaas han kabaraydan han bill hiton kuryente han nakalabay nga mga bulan.
Sumala kan Allan Laniba, General Manager LEYECO lll, President Association of Electric Cooperative of the Philippines, nga an paghitaas han sukot han kuryente in sandag, o nationwide hadton nakalabay nga Abril ngan Mayo 2024.
Dugang pa hine nga nagkamayda hin Red Alert an Power Industry ngan 16 nga generation plants an waray makag-ooperate ngan 3 naman nga planta an nagdumara hin preventive maintenance.
Ha mao nga panhitabo umabot hin 19 nga mga planta an waray makapa-andar han ira generating plants.
Nagresulta naman ine ha paggamit han mga ancillary reserve ngan full reserve ha energy market, karuyag sidngon ine an ginpaandar nga electric energy, para ha mga konsumidor kun diin mahal an sukot han mga ancillary reserve, sanglit nga nagmahal an an kabaraydan han kuryente.
