TACLOBAN CITY: Naghatag hin baton LEYECO II Electric Cooperative kun kay anu nakaka-abat hin 12 oras nga power interruption an mga konsumidor han ira nasasakupan.
Sumala kan LEYECO II Electric Cooperative General Mananger, Engr. Fernan Tan, nga usa mangud nga naduduon pananglitan kun nagkakamayda hin pagparong ha suplay hiton kuryente an buhatan hiton LEYECO II.
Dugang pa ni Engr. Tan, dire mangud nga napapasarang hin maupay an impormasyon pananglitan nga nagpapagawas hira hin press release kun magkakamayda hin brown out, ngan an numero uno an nasasayop han mga konsumidor an ira buhatan.
Ginmalatumat ni Tan, mayda 3 nga component an suplay han kuryente, syahan iton Generation Site, ine an naghihimo hin kuryente, an ika-duha naman an NGCP kun diin ine an nagtra-transmit han kuryente, ngan an ika-tulo naman an distribution kun diin dinhi nahihimutang an LEYECO II.
Sanglit, nanawagan ine ha mga konsumidor nga dire dayon nga questionon an ira buhatan pananglitan magkakamayda hin power interruption, lugod in pahalawigon pa an pag-intindi matungod nga ginhihimo la nira an sakto nga ira trabaho.
