-- Advertisements --
TACLOBAN CITY – Gindumara ka-kulop nga adlaw an Licencure Examination for Teachers (LET) ha magkaduru-dilain nga mga skuylahan ha syudad.
Sumala kan Armond Englis, Regional Director han Professional Regulatory Commission (PRC) Regional Office 8, maabot ha 224,000 examinees an nagkuha han mao nga examination tikang ha 16 nga regional office ha bug-os nga nasud.
Dugang pa hine mababaruan an resulta han examination mahuman la an usa kabulan ngan pwede man gihapon bisitahon han mga examinees an website para magcheck.
Samtang, mahitungod nga gutiay la an tawo han PRC in mayda hira mga volunteers nga natikang ha DepEd ngan iba nga eskwelahan nga nabulig para magin proctors ha nasabi nga eksaminasyon.
