Mabalik an NBA superstar nga hi LeBron James para ha ika-24 nga season pero dire ha Los Angeles Lakers, usa nga pitad nga nagpakalas ha liga dida han Martes han mag-abri an free agency.
Gin pasalamatan han tag-iya han Lakers nga hi Jeanie Buss hi James ha usa nga pahayag para ha iya walo katuig ha club, ngan ginkumpirma an damo nga report ha media nga plano han 41-anyos nga superstar nga magmulay ha iba nga koponan.
Ginmalatumat han ahente ngan suok nga sangkay ni James nga hi Rick Paul nga ginpili ni James nga igpahibaro ha Lakers an plano niya nga pumirma ha iba nga club ugsa an tikang han free agency negotiating period.
Nagin free agent hi “King James” kahuman han second-round playoff exit han Lakers pero waray hini anay kumpirmaha nga igpapadayon niya an iya karera ha liga.
Sugadman, nalink hiya ha mga nakalabay nga adlaw ha posible nga pagbalik ha Cleveland o Miami—parehas mga club nga ginpangunahan niya ha mga titulo—o umupod ha suok nga sangkay hi Stephen Curry ha Golden State Warriors.
