TACLOBAN CITY – Gin abrihan na an Layag-Leyte Fiesta Bonanza Trade Expo ha usa nga dako nga mall hiton syudad, kun diin ginpangunahan an opening han nasabi nga expo hiton DTI-Leyte Provincial Office.
Sumala kan Aivi Borbon-Ancheta, Information Officer hiton Department of Trade and Industry (DTI) Regional Office 8, an nasabi nga trade fair in gindudumara han nasabi nga ahensya kinada tuig pag-aabot hiton bulan han Hunyo kund diin ginseseleberar iton kapatrunan han syudad.
Matikang an nasabi nga trade expo yana nga adlaw ngan maghuhuman dida hiton sunod nga semana, Hunyo 27.
Bulig naman ha nasabi nga trade expo an 57 nga magkaduru-dilain nga mga Micro, Small, and Medium Enterprises (MSMEs) tikang ha Leyte kun diin makikit-an ha nasabi nga aktibidada an magkaduru-dilain nga mga baligya, food ngan non-food items.
Pagbubuhaton naman an Layag-Leyte Fiesta Bonanza Trade Expo ha Main Entrance Activity Area hiton nasabi nga mall.
Gin-aaghat naman hine an mga Taclobanon nga bisitahon an Trade Fair ha dako nga mall ha Marasbaras, Tacloban City.
