TACLOBAN CITY – Pormal nga ginabrihan ka kulop nga adlaw Hunyo 20, 2024 an LAYAG Leyte Bonanza Trade Expo 2024 nga kun diin, hiunong ini han pagselibrar han kapistahan ni Senor Sto.Nino ha siyudad han Tacloban.
Sumala kan Anthea Aivi Borbon Ancheta, Information Officer III, han Department of Trade and Industry Region VIII, nga an panuyuan gihapon han nasabi nga trade fair in agud nga ma-promote ngan ipakita ha molupyo an magkadurudilain nga locally-made nga mga produkto han sobra 40 nga mga Micro small, ngan Medium Enterprises o MSME’s nga tikang ha magkadurudilain nga munisipalidad han Leyte.
Kaupod ha ginpaparayaw nga mga produkto han nasabi nga trade fair in an mga food ngan non-food items sugad hiton locally made nga chocolate moron, processed fruits, farm ngan dairy products, mga homestyle furnitures, ngan iba pa nga mga kagamitan.
Ginaaghat naman han opisyal an publiko nga bisitahon an mao nga trade fair nga aada nahimumutang ha Main Activity Area han usa nga mall ha Marasbaras, Tacloban City.
Samtang, magiiha naman an LAYAG Leyte Bonanza Trade Expo kutob Hunyo 24, 2024.
