NATIONAL–Nahipatik an lava effusion ngan collapse tikang han summit crater han Bulkan Mayon yana nga adlaw, ika 1 han Marso.
Nahipatik an mga hine han Philippine Institute of Volcanology and Seismology (PHIVOLCS) alas 1:57 han kaagahon ngan kanina alas 6:56 han gab-i.
Dugang pa hine, nahipatik gihapon an usa nga mionor strombolian activity kanina alas 7:19 han gab-i.
Ginpagawas naman an ahensya an mga time-lapse footages han mga nasabi nga aktibidad ha ira social media page.
Samtang, padayon naman an effusive eruption ha Bulkan Mayon ha ika 55 nga consecutive day, nga ha presente in na-generate hin mga incandescent lava flows, pyroclastic density currents (PDC) o “uson”, ngan mga rockfalls.
Nagpapabilin naman ha Bulkan Mayon an Alert Level 3 kun diin kinahanglan nga bawalan an pagsulod ha 6-km nga Permanent Danger Zone hine.
