TACLOBAN CITY – Nagtitika-upay na an kabutangan han Landfill ha Brgy. 100 San Roque ha syudad han Tacloban.
Sumala kan Engr. Leo Parado Head han City General Services Office han Tacloban, nagin mabaskog an operasyon ngan hapsay nga gindumara an pag-ayad han landfill han syudad.
Subay han mao nga opisyal, dire na magkakaproblema hin paglabog han mga basura ngan makikit-an nga maupay an pangolekta mahitungod nga maupay an panguha han mga basura ngan pagbutang ha kaangayan nga lugar hine.
Dugang pa hine, an magigin problema nala yana an mga basura nga iginsasarang ha mga kakarsadahan ha pira nga mga barangay ha syudad.
Hapagkayana in padayon naman an paningkamot ngan pagmomonitor han mao nga buhatan agud nga mapabilin an kalimpyo han syudad han Tacloban.
