TACLOBAN CITY — Patay an usa nga lalaki mahuman nga umato ha gindumara nga drug buy-bust operation han mga otoridad ha Brgy Bato 2, Maasin City, So. Leyte.
Ginkilala an suspek kan Danny Ichon, 45 anyos an pangidaron, parag-uma ngan residente han mao nga lugar.
Sumala kan PCol. Dante Novicio, Provincial Director han SLPPO, nga nakatunog an suspek nga pulis an iya katransaksyon ngan dayon nga bumunot han iya pusil ngan nagpabuto.
Matungod hini in napiritan liwat an mga kapulisan nga pusilon an biktima para depensahan an ira kalugaringon.
Nag-angkon hin mga igo ha magkadurudilain nga parte han iya lawas an biktima nga nagresulta han iya kamatayon.
Nakumpiska naman ha posisyon hini an 4 ka sachet han gintutuuhan shabu nga may estimated market value nga Php 4,000.00 ngan usa nga cal. 45 pistol.
