TACLOBAN CITY – Patay an usa nga lalaki mahuman ine nga panmusilon ha Brgy. Agas, Calubian Leyte.
Ginkilala an biktima nga hi Emmanuel Vicera, 53- anyos ngan residente han Brgy. Calumpang Naval Biliran.
Sumala kan PCpl. Jobel Urot, Duty Investigator Calubian Municipal Police Station, nga naka-karawat an station han kapulisan hin tawag han Barangay Kapitan ha nasabi nga lugar, kun diin mayda daw natabo nga panmusil.
Dayon naman nga ginberipika han mga otoridad ngan dayon nga pumakadto ha lugar han panhitabo.
Naabtan han kapulisan an usa nga waray na kinabuhi nga lalaki, ngan nakuha han mga ine an usa nga basiyo hiton pusil ha lugar kun diin natabo an nasabi nga panmusil.
Subay ha ira gindumara nga imbestigasyon, nga an biktima in sakay ha luyo han single motorcycle matugod nga pauli na unta ine, han tigda nala ine nga pusilon han suspek kun diin waray kakilal-e matungod nga nagkarigumok na an katawhan pakabati han buto han pusil.
Hapagkayana, padayon an gindudumara nga imbestigasyon han kapulisan ha pangilal-an han suspek, ngan kun anu an motibo hine nga nahimo niya an nasabi nga krimen.
