TACLOBAN CITY – Patay an usa nga lalaki mahuman nga pagpusilon han riding in tandem nga mga suspetsado ha Purok 5, Brgy. Hamorawon, Calbayog City, Samar.
Ginkilala an biktima kan Alvin Lemorinas Molo 26-anyos an pangidaron, ngan residente han Brgy. Daganas, Catarman, Northern Samar.
Sumala kan PSSG. Emilito Bernales, Duty Investigator han Calbayog City Police Station, nga subay ha ira gindumara nga imbestigasyon nga nagbabaligya an biktima han iya paninda ha may Brgy. Palanas han nasabi nga syudad in tigda nala ine nga ginpusil han duha nga kalalakin-an nga suspek nga sakay han usa nga single nga motorsiklo.
Nakag-angkon naman an biktima hin inig-an ha iya dughan nga rason han iya dayon nga kamatayon.
Mababaruan nga dayon naman nga kumalagiw an duha nga suspek mahuman an nasabi nga insidente.
Hapagkayana, padayon naman an ginhihimo nga hot pursuit operation ngan imbestigasyon han mga otoridad kasumpay ha mao nga panhitabo.
