TACLOBAN CITY – Patay an usa nga lalaki mahuman ine nga bun-on ha Brgy. Mayahay Albuera, Leyte.
Ginkilala an bikitima kan Marcelino Simugan, 44-anyos an pangidaron, parag-uma, ngan residente han mao nga barangay.
Gin kilala naman an suspek kan Mitudio Rubio Jr. ada ha legal nga pangiradon, usa nga parag-uma, ngan residente han nasabi nga lugar.
Sumala kan PSSg Jerry Tuando, Duty Investigator hiton Albuera Municipal Police Station, padayun la gihapon nga ginpapamiling an suspek mahitungod nga at-large pa hine ha pagkayana.
Basar naman ha inisyal nga imbestigasyon pinaagi han pamakiana han witness in nag iinom an suspek ngan biktima han mahitabo an insidente han pamuno kun diin waray naman daw nagin maraot nga diskusyon o away an duha han tigda la nga bumuhat an suspek ngan ginbuno an biktima ha likod nga parte han liog hine.
Hapagkayana in padayun pa naman an ginbubuhat nga imbestigasyon han mga kapulisan ngan sugadman in nagdudumara gihapon an mga ine hin hot pursuit operation agud dayun nga madakpan an suspek.
