Usa nga Nepali mountain guide an nakatalwas mahuman ma-stranded ha Mount Everest hin haros unom kaadlaw nga waray sakto nga oxygen, pagkaon, ngan maupay nga urukyan.
Ginkilala na lalaki nga hi Dawa Sherpa nga ginhuna nga namatay na samtang tipalusad tikang ha tuktok han Everest mahuman hiya waray na ma-contact.
Pero makalabay an unom kaadlaw, natad-an ini nga buhi pa han usa nga cleanup team samtang hinay-hinay nga naglusad tikadto ha Everest Base Camp.
Dayun ini nga iginsakay ha helicopter ngan gindara ha ospital ha Kathmandu, kun diin gintambal hiya mahitungod ha dehydration, frostbite, ngan bari nga tul-an.
Subay ha lalaki, nawarayan hiya hin oxygen samtang nakadto ha hitaas nga parte han bundok sanglit waray na hiya makakiwa hin maupay.
Gin paangbit hini nga waray hiya makaon ha syahan nga duha kaadlaw ngan an iya la paagi agud mabuhi in an pag-supay hin yelo agud makainom hin tubig.
Pag-istorya pa hini, na-trap hiya mahitungod nga nahulog hiya ha usa nga siwang hin yelo (crevasse), hin sobra-kulang duha ngan tunga kaadlaw.
Mahuman makagawas, gumamit hiya hin mga lubid ha bundok agud makalusad bisan kun mayda hulga hin avalanche.
