TACLOBAN CITY – Arestado an usa nga lalaki mahuman nga makatalapas han checkpoint ngan makuhaan pa hin pira ka-sachet hin marijuana ha bungto han Barugo, Leyte.
Ginkilala an suspek kan Jesnico Lagarde, ada ha igo nga pangidaron ngan residente han San Miguel Leyte.
Sumala kan PMSgt. Rico Cañeda, imbestigador han Barugo MPS, nga ginparahan nira an mao nga suspek matungod nga ini in waray sulot nga face mask samtang nagbibiyahe, han aro-an na ini hin ID ngan health certificate in aksidente nga naupod kahukad hini ha sakob han iya bag an 1 ka sachet hin marijuana.
Ha pag-inspkesyon pa han mga kapulisan ha bag han mao nga suspetsado in may nakuha pa nga duha ka-sachet hin marijuana.
Ha pagkayana in nagpapabilin na ha kustodiya han mga otoridad an suspek ngan naatubang na ha kaangayan nga mga kaso.
