NAVAL, BILIRAN – Samaran an mag-asawa ha Brgy. Agpangi, Naval, Biliran mahuman nga samaron han usa nga mister an iya kalugaringon nga misis, kun diin kahuman in nagbuno liwat ine han iya kalugaringon.
Ginkilala an misis nga hi alyas Maya, 36-anyos ngan dati nga government employee, samtang an mister naman in hi alyas Ace, 37-anyos ngan dati nga seaman, parehas residente han nasabi nga barangay.
Sumala kan Naval Municipal Police Station Chief of Police, PMaj. Sherwin Amando Machete, selos an ginkikita nga motibo han krimen.
Basar han imbestigasyon, naghinulat an mister ha iya misis kun diin pasado alas-10 han gab-i na umabot an misis ha ira panimalay ngan dumiretso ine ha ira kwarto pag-abot.
Mahuman an haros usa ka-oras, nakabati an ira mga anak hin kasamok ha sulod han kwarto kun diin dida han gin aabrihan na ine in waray ine dayun maka-abri sanglit nangaro anay ine hin bulig ha ira mga paryente.
Dida han kaabrihi na han kwarto, in didto nakit-an nga duguan na an mga ine.
Nag-angkon hin samad ha nawong ngan ha may bungkod an misis, ngan nagbuno naman han iya kalugaringon tiyan an mister.
Gindara naman an mag-asawa na ospital para han kaangayan nga pagtambal.
Papasakahan naman hin kaso nga frustrated parricide an mister.
