ODD NEWS– Usa nga U.S. military veteran an opisyal nga nakapagtala hin bag-o nga Guinness World Record mahuman nga dumalagan hin 24 -oras samtang mayda dara nga 18 kilos nga bag.
Hi Mark Jones in malinampuson nga nakadalagan nga mayda kabug-usan nga distansya nga 142.7 kilometers ha Belvidere, Illinois.
Nakuha niya an titulo nga “greatest distance run carrying a 40 lb pack in 24 hours (male)”, ngan nalahusan hine an record nga 79.16 milya nga naitala han 2022.
Gindumara ni Jones an world record attempt hadton November 7 agud nga makatirok hin pondo para ha Oscar Mike Foundation, usa nga nonprofit nga nabulig ha disabled veterans pinaagi hiton adaptive sports.
Subay ha Guinness adjudicator nga hi Chloe McCarthy, an nagin kadaugan ni Jones in dire la matungod hin kusog han iya panlawas, kundi magin han iya “mental fortitude” o kadig-on hiton panhuna-huna.
