ODD NEWS- Usa nga 25 -anyos nga lalaki an napamatud-an nga akos nga mabuhi han usa nga tawo nga waray kasing-kasing, mahuman nga iya ine mahimo ha sakob hiton 555 ka adlaw nga artipisyal la nga kasing-kasing an nasuporta ha iya .
Nahimo ni Stan Larkin nga mabuhi pinaagi han makabag-o nga artificial heart nga gintatawag nga SynCardia Freedom Portable Driver.
Mababaruan nga ginkinahanglan ni Stan hin artipisyal nga kasing-kasing matungod ng mayda hiya arrhythmogenic right ventricular dysplasia o ARVD nga nagdudurot hin irregular nga pagputok hiton kasing-kasing , nga posible naman magin rason hiton heart attack nga nagin hinungdan agud nga tanggalon an iya kasing-kasing.
Tikang hadto in artipisyal na an kasing-kasing ni Stan samtang naghuhulat hiya nga maoperahan han iya heart transplant.
Waray naman maka-apekto kan Stan an pagkawara han iya kasing-kasing matungod nga bisan waray ine in nahimo naman ni Stan nga mabuhi hin normal ha sulod han usa ka tuig, ngan nahihimo pa niya an mag mulay hin basketball .
Hapagkayana in nagpailarom na hi Stan ha usa nga operasyon para han iya heart transplant, ngan nagin manilampuson naman an iya operasyon.
