ODD NEWS- Dire ordinaryo an iginpakita nga abelidad han usa nga lalaki tikang ha nasod Iran mahuman hine nga makuha nga balansehon an 85 kabug-os nga kutsara ha magkalain-lain nga parte han iya lawas.
Matungod ha kakaibanga talento, ginkilala han Guinness Book of World Records hi Abolfazl Saber Mokhtari kumo “living human” nga akos magbalanse hin pinakadamo nga kutsara ha iya lawas.
Sumala kan Mokhtari, waray niya tuyu-a madiskubrehan an iya talento, pero ha paglabay han mga tuig ngan ha bulig han iya pagpupursige, nagin eksperto ngan napaupay pa niya an iya talento.
An sikreto daw ha iya na-iiba nga kakayanan in makapagpabalhin hin enerhiya tikang ha iya lawas pakadto ha butang nga iya gagamiton.
Sanglit naman nga hangtod ha iya maaakos in kinahanglan nga focus han panhuna-huna an iya ginhatag ha mga kutsara agud dire an mga ine nga makagkiwa ngan mahulog.
An mao nga record in naagaw ni Makhtari tikang ha anay may kapot hine nga hi Marcos Ruiz Ceballos nga tikang ha nasod Spain kun diin 64 ka kutsara la an akos hine nga balansihon.
Sugadman, karuyag ni Mokhtari nga maipakita ha bug-os nga kalibutan an iya talento ngan makapag-explore ha magkalain-lain nga nasod .
