ODD NEWS– Record breaking an usa nga lalaki nga avid fan hiton anime series nga “ One Piece” ha Hongkong, China nga hi Lam Siu Fung, kahuman kilalan-on ine han Guinness ha pagkakamayda hin pinaka-dako nga collection hin duru-dilain nga klase hiton One Piece memorabilia kun diin 20,125 nga One Piece Merchandise an mayda hine ha pagkayana.
Manunumduman nga an urhi nga kumapot han mao nga titulo in hi Yoshikazu Sanada han Japan, kun diin nahipatik nga mayda hiya 5,656 nga items han mao nga anime series.
Sumala kan Lam, nga usa nga rason kun kay-ano hiya nagkokolekta hin One Piece merchandise, in tungod nga karuyag hine maghatag hin respeto ngan suporta ha mismo nag author han mao nga series nga hi Eiichiro Oda, kun diin ginkilala gihapon ine han Guinness kumo may pinaka damo nga published nga copies hiton comic book series nga One Piece nga umabot ha sobra 500,000.
Ha pagbana-bana ni Lam, nga maabot ha 500,000 yuan o $73,700 an nagastos niya ha pag titirok han iya collection kun diin ine an nakabutang ha usa nga 1000 square feet nga warehouse nga gintutudlok kumo museum han mga One Piece cosplayers.
