ODD NEWS — Usa nga lalaki ha China nga ginkilala kumo “Folding Man” tungod ha kakaiba nga kondisyon ha iya taludtod an himala nga natagan hin tambal han mga medical expert ha China.
Hi Li Hua in na-diagnose nga mayda Ankylosing Spondylitis dida han hiya ini 18-anyos. Samtang hiya in nagkakaedad, natikagrabe an ita sakit nga ginkilala na hiya kumo “Folding Man’’ ha ira lugar tungod nga literal ini nga nakatiklop nga haros magdikit na an iya nawong ngan tiil.
Nagtikang hi Li Hua ha pobre nga pamilya ha Hunan Province ngan bisan hadto in waray pa hiya magpakita ha doktor.
Tungod ha grabe nga kondisyon, naghatag hin libre nga corrective surgery hi Professor Tao Huiren han Shenzhen University General Hospital agud maitadong niya utro an iya lawas.
Umabot hin 46 kaoras an operasyon kan Li Hua ngan naging manilampuson ini.
Sumala hiton team of doctors, nga nagdumara hin operasyon, masesering nga baga-baga hira hin sinmaka ha Mount Everest ha nagin operasyon kan Li Hua tungod ha sobra ka-challenging ngan kumplikado ine.
Madagmit naman nga nakarekober ha operasyon hi Li Hua ngan mapasinalamaton hiya ha mga doktor nga nagtambal ha iya sakit.
Ha pagkayana, nag-uukoy na hin normal hi Li Hua ngan deri na hiya gintatawag nga “Folding Man” ha ira lugar.
